L Y R I K
LYRIK Aloys Blumauer - Poetische Werke 59

Aßmann von Abschatz, Hans

Adler, Friedrich

Ahlefeld, Charlotte von

Albrecht von Haigerloch

Albrecht von Johansdorf

Angelus Silesius

Arent, Wilhelm

Arndt, Ernst Moritz

Arnim, Achim von

Arnold, Gottfried

Aston, Louise

Ball, Hugo

Bierbaum, Otto Julius

Birken, Sigmund von

Bleibtreu, Karl

Blumauer, Aloys

Bodenstedt, Friedrich von

Boie, Heinrich Christian

Bohne, Johannes

Brentano, Clemens


Conradi, Hermann

Hart, Heinrich

Hart, Julius

Hartleben, Otto Erich

Holz, Arno

Lenau, Nikolaus


Rückert, Friedrich


Aloys Blumauer (1755-1798)

[Inhalt] [Anfänge] [Titel] [Zeilen]

Poetische Werke 59

Der evangelische Bauernjunge, in der katholischen Kirche

Vater hört's nur Wunder an!
Wann is nur erzählen kann,
Was darnächst an Feiertägen
In der grossen Stadt is g'schegen,
Woas nit, wo i z'erst anheb,
Was ihm vor an Namen geb;
Sag enk, solche Sachen g'schegen,
Es vergeht am's Hörn und Segen.

Mitten war a Haus, o Hee!
Das geht enk so weit in d'Höh,
Vater! wett' um unsern Schimmel,
D'Rauchfäng g'langen bis an Himmel
Und da drina geht's erst zue,
Oans thut seufzen, s'andre schrein
Nir als lauter Narrathein:
Gold'ne Männer schwarz und gre
Stenga bockstarr in der Höh,
Hat dermeni Mandl gebn,
Ochs und Esel a darnebn,
Nackette am ganzen Leib,
Und a schön aufputztes Weib,
Grosse Männer, klani Kindel,
Allerhand so g'spassigs G'sindel,
Aber alli saan so frum,
S'red't und deut, und schaut kanns um;
Aber s' gfallt mir gar nit recht,
Daß a Schind'r und Henkersknecht
In das schöne Haus hingengen,
Dorten schinden, köpfen, hängen:
A! den habens recht zug'richt,
Grausam, wann mans nur ansicht,
Hab'n ihn gaselt, und ang'nagelt
Daß ihm 's Herz im Leib hat g'wagelt,
Alles ging so wunderli,
I wust gar nit, wo i bi.

Oben kommt durch d' Mauer g'schloffen
A weiß Mandl, das war b'soffen,
Hebt er glei zu greinen an,
That sie giften wie a Han;
Flucht enk d' Höll, und Teufel zoma,
That se vor kaan Menschen schoma,
Macht am recht um's Herz so schwar,
Dacht nur, wann i draussen war:
Kunnt sein Spaß recht ernstli machen,
That a nit a Bissel lachen.

Neben meiner war a Weib
Hat an dürren hagern Leib,
Ich hätt's gar gern wissen mögen,
Ob's auf d'Wochen nit wird regen:
Hat was mitma Schnierl than
Lauter schwarzi Kügerl d'ran,
Die konnt mehr als Bier'n braten
Is a Her, habs glei darathen:

Mitma Stangel kummt a Mann,
Kunti! was der Kerl kann:
Das war a kurioses Wesen.
Den saans alli schuldi g'wesen,
A Zauberei am Stangel hing,
Das macht alleweil kling kling:
Wann ers am nur hin that recken
Mußt' er glei a Geld d'rein stecken:
Hab dem Vogel gar nit traut,
Weil er so verzwickt ausschaut,
Is enk schlau um d' Leut rumg'schlichen,
Aber, bin ihm glei ausg'wichen:

A Kastel in am Winkel war,
Und da drina hock'n a Paar,
Das hat zwar verdächti g'schina,
Hab g'mant, s'seyn zwa Madel drina;
S' andre schien wohl wie a Mann,
Aber 's hat an Küttl an.
Die zwa kunten ihre Sachen
Mit anand recht hamli machen.

Rückwärks that der Hausherr steh'n
In am Eck recht wunderschön:
Hint und vorn a lauter Borten
Es war gar ka Herr so dorten,
Bild't si a an Baz'n ein
Wie halt grosse Herren seyn,
Hat er nur a Bissel g'spiert,
Daß sie wer nit frum aufführt,
That er wegen gringa Sachen
An abscheilichs Prozmaul machen,
Kurz, der Kerl is a Haad,
Sagt zum andern, glei seyds stat.

Hinten war a grosser Boden,
Stunden alte Männer droben,
Klani Bubmer a dabei
Was nit, an zween oder drei,
Und a Madel unter ihna,
Die hats treffli macha kina,
A jed's hat an Zedl g'hat,
Schwarze Hacken, krumm und grad,
D'r ane hat das Maul aufg'rissen,
D'r andre hat in Prigel bissen.
A jeder hat was anders g'macht.
An'r hat zant, der andre g'lacht,
Triebens, als obs narrisch waren,
Thaten wie die Kälber plaren:
S' Madel streckt die Gurgel r'aus,
Zwitscht enk grad als wie a Maus,
Die andern haben durch die Nasen
Gnaurt, und wie die Haltar blasen,
An alter Mann beim Kasten soß
Voller Hölzl klan und groß,
S' oft er hat a Holz angriffen,
So hat a Hörnl im Kasten pfiffen:
Aner hat a Butten g'habt,
Da hat er d'rauf her umer tappt,
Zwickt, und zwackt mit Hand und Füssen,
Das die Butt'n schrein hat müssen,
Oft steht aner an der Seit,
Der den andern allen deut,
S' sollen a weni stille schweigen,
Thaten d' Narren no mehr schreigen;
Hab'n auf a kupfers Häf'l klopft,
Da habi d' Ohren glei zug'stopft,
D' andern, die beim Hof'n sassen,
Hab'n in 'n langen Trachter blasen,
S' hat grewellt auf jeden Schlag,
Hab g'mant s'is der jüngste Tag:
Allen Leuten kommt a Graus,
S' sehen dumm und damisch aus:
D' Weiber thaten fast verzagen,
Seufz'n, und than auf d' Mieder schlagen.

Vorn da stund a mächtiger Mann,
Hat 's Hemmet über d' Hosen an;
Der kunnts recht bagschierli machen,
Daß man sie möcht narrisch lachen,
That bald knien, und bald steh'n,
Rechts und links und rückwärts geh'n,
Bald that er sie umadrahen,
Und bald wie die Hahna krahen:
A goldnes Ding gar wunderschö
Das hebt er übern Kopf in d' Höh:
S' kunt d' alten Weiber recht daschrecken,
Daß sie d' Arsch hint aussi recken;
Der Mann trinkt a recht gern an Wein,
Die Buebma schenk'n ihm fleissig ein:
Hungri is er a wohl g'wesen,
D'rum hat'r Papirl gessen;
Aber es war a geiziger Mann,
Gab seinen Kindern nichts davon,
Müessen nur so sinnli schauen,
Wie er thats' Papirl kauen:
Sobald er hat was türkisch g'sagt,
Hat er den Becher in's Tischtuch packt,
Und hernach that er nur kraisten,
Und den Buebma'n was vorfaisten,
Weil er hat s' Papierl g'schlückt,
Hats ihm brav in d' Därmer zwickt,
That st gar nit schön aufführen,
D' Buebma muestens freili g'spüren,
Kaner kunt enks mehr aussteh'n,
S' muesten um a Glutpfann geh'n,
Und mit Pech und solchen Sachen
Hinter ihm an Rauchen machen.
Oepper, daß er blind sein mag,
Weil er ihm beim hellen Tag
Unten, oben, vorn und hinten
So viel Leuchter laßt anzünden!
Thoret muß er a wohl seyn,
Weils so stark vom Boden schrein,
Weil die Buebma öfters deuten,
Und ihm vor den Ohren läuten.
Und sie hab'n ihn hint und vorn
Wie 'ra Huern d'Haut abg'schorn;

Endli nahm der G'spaß an End,
Da kriegt er a Bierst'n in d'Händ,
De that er ins Scherbel tauken,
Und damit die Leut ausjauken,
Vater! wier ka Narr nit seyn,
Geh enk nimmer in's Haus hinein,
Denn wie leicht könnt am der Mann
Oeppa so a G'spassel than,
Und derwischet an bein Flügeln,
That an fein hübsch uma prügeln.
Weit davon ist gut für'n Schuß;
Wer nit kummt, hat koan Verdruß!
Laß sie Hockus Pockus treiben,
Und die Narren Narren bleiben.

Satyrische, scherzhafte und erotische Gedichte 16

◀◀◀ ▶▶▶


Gedichte:

Anfänge

Titel

Zeilen

Autor - Anfänge

Autor - Titel

Wortschatz

OPERONE